༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 9 ཚེས 21
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > རྩོམ་རིག > 5 ཤིས་ཚིག
5 ཤིས་ཚིག
ཤིས་སྨོན་ལུང་གི་དགོངས་རྒྱན་ཞེས་བྱ་བ།
[རྩོམ་ཁུངས།:ཁྱུང་པོའི་དྲྭ་བ།] [ཟླ་ཚེས།:2017-05-02] [རྩོམ་པ་པོ།:དགེ་བཤེས་བསྟན་འཛིན་སྦྱིན་པ།] [གཟིགས་ཐེངས:]

     མདོ་དྲི་མེད་ལས། "བདག་ཉིད་སྐུ་ཡི་འདུལ་བསྟན་རྫོགས་ན་ཡང་། །མ་འོངས་འགྲོ་ཀུན་ཐར་པར་འདྲེན་པའི་ཕྱིར། །གསུང་དང་ཐུགས་ཀྱི་བསྟན་པ་རིམ་གྱིས་འབྱུང་། །དེ་ཚེ་ང་ཉིད་མི་འབྱོན་ཡི་གེ་འབྱོན། །རྒྱལ་བའི་བསྟན་པ་ཡི་གེས་འཛིན་དགོས་ཕྱིར། །འཕྲུལ་གྱི་ཡི་གེར་ཀུན་གྱིས་བཀུར་བསྟི་གྱིས། །"ཞེས་རྫོགས་པའི་སངས་རྒྱས་གཤེན་རབ་མི་བོའི་ལུང་གིས་བསྟན་པའི་སྙིང་པོ་འགྲོ་དོན་དུ་འཕེལ་བཞིན་པའི་སྐབས་འདིར་ཕྱོགས་ཐམས་ཅད་ནས་དུས་དང་བསྟུན་པའི་མདུན་བསྐྱོད་ཀྱི་གོམ་པ་སྤོ་བཞིན་ཡོད་པ་ལྟར་དེ་རིང་ཡང་འདིར་<<ཁྱུང་པོའི་དྲ་བ་>>ཞེས་ཁ་བྱང་དུ་འཁོད་པའི་དྲ་གནས་ཤིག་གསར་དུ་ཤར་གཏོང་བྱེད་བཞིན་པའི་གནས་ཚུལ་ལགས། འདི་ནི་ཤེས་ཡོན་དང་། བསམ་བློ། ཆོས་ལུགས་ཀྱི་ལྟ་གྲུབ་བཅས་ཕན་ཚུན་གོ་རྟོགས་སྤེལ་རེས་དང་། དེ་བཞིན་རིག་གནས་ཀྱི་རྒྱུ་ཆ་མཁོ་འདོན་བྱེད་སའི་ར་བ་ཞིག་གམ། སྐབས་བབ་དུས་ཚེགས་ཁག་གི་མཛད་སྒོ་སོགས་གནས་ཚུལ་རྒྱུས་ལོན་བྱེད་སའི་གླིང་ཁ་ཞིག་ཀྱང་ཡིན་པ་གོར་མ་ཆགས། དེས་ན་སྐབས་འདིར་ཤིས་སྨོན་གྱི་ཚིག་ཁ་རེ་གཉིས་ཤིག་རྟེན་འབྲེལ་ལྷ་དར་ཞིག་གི་ཚབ་དུ་འབུལ་སྤྲོ་བ་ནི།  རིགས་དྲུག་ཐར་ལམ་གྱི་མདོ་ལས། "སེང་གེ་གངས་ལ་འགྱིང་པ་བརྒྱད་ཀྱང་གཡུ་ཡི་རལ་པ་སྤྲུལ་པར་བྱེད། །སྟག་ཆེན་སྡེར་མོ་བཞིས་ཀྱང་མཐིང་གི་མེ་ཏོག་འཐོར་བར་བྱེད། །གཟིག་ཆེན་ཐིག་ལེ་བཞིས་ཀྱང་དུང་གི་མེ་ཏོག་འཐོར་བར་བྱེད། །གླང་ཆེན་སྣ་ལྗགས་བཞིས་ཀྱང་ཡིད་བཞིན་ནོར་བུ་འཐོར་བར་བྱེད། །"ཞེས་པ་ལྟར་རྟེན་འབྲེལ་ཤིས་ཚིག་གི་མེ་ཏོག་འཐོར་བར་བྱེད།
      སླར་ཡང་། དེ་ལྟའི་དགེ་མཚན་མེ་ཏོག་བཞད་པའི་དུས་ཀྱི་སྤང་ལྗོངས་ཡངས་པ་རུ། །རིག་པའི་འཁོར་ལོ་རླུང་རྟར་བརྫུས་པའི་གོམ་པའི་འདེག་འཇོག་རེ་རེ་ལ། །ཕྱོགས་བཅུའི་འགྲོ་བ་ཤུགས་ཀྱིས་སྒུལ་བའི་འོད་རེ་འཚེར་བའི་སྨོན་ལམ་དང་། །ཡིད་དུ་འཇོ་བའི་འདོད་དགུའི་ལེགས་ཚོགས་དུས་ཀུན་འགྲུབ་པའི་སྨོན་འདུན་ཞུ། །
     ཞེས་ཕྱོགས་ཐམས་ཅད་ནས་དྲ་བའི་རིག་གནས་གོང་འཕེལ་དང་འཐུས་སྒོ་ཇེ་ཚང་འགྲོ་བའི་སྨོན་འདུན་བཅས་དགེ་མིང་པ་བསྟན་འཛིན་སྦྱིན་པ་ནས་ཕྱི་ལོའི་༢༠༡༤ཟླ་༠༣ཚེས་༡༥ཉིན་བཟང་པོར་ཕུལ།



སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།