དགེ་བཤེས་ཆོས་འཁོར་ཚང་ཉི་མ་འོད་ཟེར་གྱི་དཔྱད་རྩོམ་ལེགས་གྲས་ཤིག
[རྩོམ་ཁུངས།：ཁྱུང་པོའི་དྲ་བ།]
[ཟླ་ཚེས།：2019-12-23]
[རྩོམ་པ་པོ།：ཆོས་འཁོར་ཚང་ཉི་མ་འོད་ཟེར།]
[གཟིགས་ཐེངས：]
བོད་མིའི་བྱུང་རབས་ལོ་ངོ་སུམ་སྟོང་ལས་མི་སྔ་བར་ཅལ་སྒྲོག་བྱུང་བའི་ར་སྤྲོད།ཆོས་འཁོར་ཚང་ཉི་མ་འོད་ཟེར།
བོད་མིའི་བྱུང་རབས་ལོ་ངོ་སུམ་སྟོང་ལས་མི་སྔ་བར་ཅལ་སྒྲོག་བྱུང་བའི་ར་སྤྲོད། ཆོས་འཁོར་ཚང་ཉི་མ་འོད་ཟེར།བོད་དུ་འགྲོ་བ་མི་ཐོག་མར་གྲོལ་བའི་ལོ་དུས་<<འཇམ་དཔལ་རྩ་རྒྱུད་>>ནང་ལུང་བསྟན་པར་བསྙོན་པའི་གཏམ་གྱི་ཕུགས་སུ་བདས་ཏེ་རྫུན་པར་ཁུངས་སྐྱེལ་ར་སྤྲོད་ཞུས་པའི་དཔྱད་བརྗོད།ཐོག་མའི་གླེང་གཞིར་མོལ་བའི་གཏམ། བོད་ཡུལ་འདིར་མིའི་འགྲོ་བ་དང་པོ་བྱུང་ནས་ད་ལྟའི་བར་ལོ་དུས་ཇི་ཙམ་སོང་མིན་སྐོར་སྤྱི་ཡོངས་ནས་བཞེད་ཚུལ་མི་འདྲ་བ་གཉིས་སུ་གྱེས་པར་སྣང༌། དེ་ཡང་མི་ལོ་ཁྲི་ཕྲག་དུ་མའི་ལོ་རྒྱུས་ཡོད་པར་སྨྲ་བའི་ལུགས་གཅིག་དང༌། ལོ་ངོ་སུམ་སྟོང་ཙམ་གྱི་ཡས་མས་སུ་གཞི་ནས་སྤྲེལ་མཇུག་བུད་དེ་མིར་གྱུར་པ་སོགས་སུ་འདོད་པའི་སྲོལ་གཉིས་སུ་མཆིས། བཞེད་ཚུལ་སྔ་མ་ནི་ད་ལྟའི་བོན་པོ་ཡོངས་རྫོགས་ཀྱིས་འདོད་ཅིང་དེ་ལྟར་ཆེས་སྔ
