ཁྱུང་པོ་སྟེང་ཆེན་དགོན་གྱི་༧བླ་རབས་ཉེར་དྲུག་པ་འདྲེན་མཆོག་ཤེས་རབ་དགེ་ལེགས་རིན་པོ་
ཆེ་མཆོག་ཞིང་ཁམས་གཞན་ལ་ཕེབས་ནས་མི་ལོ་ཉེར་གཉིས་འཁོར་བའི་
རྗེས་དྲན་གྱི་དུས་ཉིན་བླ་མ་དྲན་པའི་ཁེར་ལབ་
བཞུགས་སོ།།
ཨ་ནུ་བསྟན་པ་རབ་རྒྱས།
ཤེས༵་བྱའི་གནས་ལ་མཁྱེན་པའི་སྤྱན་དཀྱུས་ཡང་།།
རབ༵་འབྱམས་སྤྱི་སྤུངས་བོན་གྱི་འཕྲུལ་གཤེན་རྗེ།།
དགེ༵་ལྡན་བསྟན་གླིང་མཁར་གྱི་རྨིང་གཞི་མཆོག།
ལེགས༵་པ་ཀུན་རྫོགས་འདྲེན་པ་ཁྱེད་ཉིད་མཆོད།།
བཟོ་རིག་ལྷ་སྐུ་དཀྱིལ་འཁོར་ཐིག་རིས་ཤེས༵།།
ཁྱུང་པོའི་དབུས་ནས་འབུར་ཐོན་མི་བུ་རབ༵།།
གཙང་ཁྲིམས་དྲི་མ་མེད་པའི་དྲང་སྲོང་དགེ༵།
སྐུ་མཚན་དཀར་ལ་དམར་བའི་བླ་མ་ལེགས༵།།
འབུད་རྡུང་དཀྲོལ་གསུམ་ཤེས༵་པའི་ལྷ་བུ་བཟང་།།
བཅའ་འདོན་དབྱངས་ལ་རབ༵་ཏུ་ཕུལ་བྱུང་བ།།
གཟི་བརྗིད་ཟིལ་གནོན་དགེ༵་བའི་དེད་དཔོན་རྗེ།།
རྨད་བྱུང་མཛད་རྗེས་ལེགས༵་པའི་འདྲེན་པ་ཁྱེད།།
སྐུ་མཆོག་གསེར་རི་དགེ༵་བྱེད་ཁྲི་གདུགས་མངོན།།
གསུང་དབྱངས་སྒྲ་རྒྱལ་ཤེས༵་བྱ་ཇི་སྙེད་གསལ།།
ཐུགས་ཉིད་དབྱིངས་ཆེན་རབ༵་ཀྱི་གཤིས་ཀ་ལ།།
ཡོན་ཏན་ཕང་ཕུང་ལེགས༵་པའི་སྐར་ཚོགས་བཀྲ།།
ལེཌ༵་སྤྱོད་འདུལ་བའི་ཚུལ་གྱིས་གཞན་སེམས་གསོས།།
དགེ༵་ལྡན་རྫོཌ་པའི་དུས་འདིར་བོན་བསྟན་སྤེལ།།
རབ༵་འབྱམས་བཤེས་གཉེན་ཀུན་གྱིས་ཟླ་བྲལ་བ།།
ཤེས༵་པའི་བང་མཛོད་བླ་རབས་ཉེར་དྲུག་བསྟོད།།
ཕྱི་ལྟར་གདུལ་བྱའི་བློ་ངོར་བཀོད་རེ་ལེགས༵།།
ནང་ལྟར་བསྟན་པའི་མཛེས་རྒྱན་སྤེལ་བ་དགེ༵།
གསང་བ་བསྙེན་སྒྲུབ་ཟབ་མོའི་རྣལ་འབྱོར་རབ༵།།
ཡང་གསང་རྫོཌ་པ་ཆེན་པོའི་གནས་ལུགས་ཤེས༵།།
ལྟ་བའི་རྩེ་མོ་རྫོགས་ཆེན་གྲོགས་པོ་འགྲིཌ།།
སྤྱོད་པ་གྲོགས་ཀྱི་གཤིས་དང་ཡ་མ་བྲལ།།
སྒོམ་པ་འོད་གསལ་སྒྱུ་མའི་རོལ་པ་ལས།།
འོད་དུ་དེངས་བའི་ཤེས༵་རབ༵་དགེ༵་ལེཌ༵་རྨད།།
ཁྱེད་ཀྱི་ཡོན་ཏན་བརྗོད་ཀྱང་མི་ལང་ཡང་།།
རེ་ཞིག་དྲན་པས་ཡོན་ཆབ་བདུན་ཚར་ཕུལ།།
ཁྱེད་ཉེད་གཤེཌ་ཁའི་སློབ་བུ་མཐའ་མ་ཡིས།།
འགྱུར་མེད་དད་པས་ཚུལ་གྱིས་ཤར་མར་བྲིས།།
ཁྱུང་པོ་སྟེང་ཆེན་དགོན་གྱི་༧བླ་རབས་ཉེར་དྲུག་པ་འདྲེན་མཆོག་བླ་རྒན་༧ཤེས་རབ་དགེ་ལེགས་རིན་པོ་ཆེ་ཞིང་ཁམས་གཞན་ལ་ཕེབས་ནས་”མི་ལོ་ཉེར་གཉིས་”འཁོར་བའི་དུས་ཉིན་སློབ་བུ་མིང་ཙམ་འཛིན་པ་གུས་”ཨ་ནུ་བསྟན་པ་རབ་རྒྱས”་ཀྱིས་ཤིང་ཏོག་དང་ཤིང་སྣ་འཛོམས་སའི་རྒྱ་ནག་སྤོས་ངད་ལྡན་པའི་གྲོང་ཁྱེར་གྱི་མཐའ་མཚམས་ཐོག་བརྩེགས་བཅུ་གཅིག་ནང་ནས་བྲིས་སོ།།
