ཡིད་ཁམས་སྐྱོམ་པའི་མགུར་མ། 

                 ལྷོ་རོང་།——ཁྲ་སྣང་དགའ། 

རང་སེམས་རྟ་རྒོད་བྱེད་ནས་རང་དགར་དུ་འཆམ་བཞིན།།

ཉམས་ཆུང་དགེ་སྦྱོངས་མོད་པའི་རི་དགོན་དུ་འགྲིམ་ན།།

རྣམས་རྟོག་རང་ཁ་རྒོད་པས་བདེ་མལ་རང་མི་འདུག།

སྟོབས་འབྱོར་རྣམ་སྲས་བོང་བ་ཚེ་ལུས་དང་འགྲོག་བཞིན།།

འཕངས་སེམས་ཡི་དྭགས་ཁ་བཞིན་མེད་མུག་གིས་ཟིན་ན།།

སྦུར་ནག་ས་ཆེན་ཟད་པའི་སྡུག་བསྔལ་དུ་ཡིན་འགྲོ།།

དགའ་ཉེ་ཆགས་སྡང་རྩོད་སའི་གཡུལ་ས་རུ་བཙལ་བཞིན།།

དགེ་སྡིག་བྲེ་སྲང་འཇལ་བའི་བཙུན་གཟུགས་སུ་སྒོམ་ན།།

མདའ་མོ་སྟོང་རྒྱབ་བྱེད་པའི་རྔོན་པ་རུ་མིན་འགྲོ།།

རྒྱུ་ནོར་སྙིང་པོ་མེད་པའི་འགུར་དབྱངས་དེ་གྱེར་བཞིན།།

ཉིན་ཉིན་སྒོར་ཟུར་བསྡུ་བའི་བླ་གཟུཊ་སུ་སྤྲུལ་ན།།

ཁྱི་འཁྱམས་རྟོག་ངུ་ཤོར་བའི་ངང་ཚུལ་དེ་འགོག་འགྲོ།།

རང་ཁྲིམས་སྲུང་སྒོ་མ་ཐོན་ཡིན་ཡིན་དུ་འགྲོ་བཞིན།། 

གྲྭ་ཇོ་སྐྱེ་སྲིང་དགོས་པའི་སྐད་ངན་དེ་མོད་ན།།

འདུལ་སྡོམ་ལམ་ལུགས་འགྱུར་བའི་ཉེན་ཁ་རུ་ཡིན་འདུག།

ཁ་ནས་ལུང་སྟོང་བཀང་བའི་བསྟན་དོན་དུ་འུར་བཞིན།།

སྡེ་དགོན་དབྱེན་འཁྲུགས་སློང་བའི་ཇུས་ངན་དེ་མོད་ན།།

རང་ཤ་ཁྱི་སྔོན་འཕེན་པའི་གཏུམ་སྤྱོད་དུ་ཡིན་འདུག།

མི་ཚེ་ཐོས་བསམ་སྐྱལ་བའི་དགེ་བྱེད་དུ་རློམ་བཞིན།།

ལས་སྤྱོད་ངོས་ལྐོག་འཕེར་བའི་ལག་ལེན་རང་མེད་ན།།

ཚེ་ལུས་ཐོས་བསམ་སྐྱལ་བའི་དགོས་མེད་དུ་ཡིན་འགྲོ།། 

     ༢༠༡༨/ ༣ /༡༡/ཉིན།