སྡོང་ཟླ།།
༡
གདོད་ནས་རྣམ་དག་རིག་པ་ཡེ་ཤེས་ཀློང་།།
སྣང་ཆེན་གསུམ་གྱི་རོལ་པའི་གཡོ་ལྡང་ལ།།
རང་སྣང་མ་ཟིན་འཁྲུལ་བློས་ཉེས་ཚབས་ཀྱིས།།
འཁོར་ངན་གྲོང་དུ་འཁྱམ་པའི་དམུས་ལོང་བཟོས།།
༢
ལེགས་ཚོགས་ཆ་ཤས་ཙམ་ཞིག་ཐོབ་པ་ལ།།
ཁེངས་སྐྱུང་མ་ནུས་རང་ཉིད་མཆོག་ཏུ་བལྟས།།
གོང་མ་མི་བལྟོས་སུ་ལ་མི་བརྩི་བའི།།
བློ་ངན་དེ་ནི་ཡོན་ཏན་འཇོམས་པའི་གཤེད།།
༣
ཡིད་ངོར་མི་འཐད་རིགས་ལ་ཞེ་གནག་གིས།།
དངོས་བརྒྱུད་ཤུཊ་ནས་གསོད་དང་བརྡེག་པའི་ཞོར།།
མ་བསྔོས་དགེ་བ་འཛད་ལ་ཆེས་དཔའ་བས།།
ཡང་དག་ཐར་པའི་ལམ་གྱི་གེགས་བྱེད་དོ།།
༤
དབང་པོའི་སྒོ་ལ་ཤར་བའི་ཡུལ་ལྔའི་ཁམས།།
བརྐམ་ཆཊ་ཡིད་ཡུལ་འདྲེན་པའི་རྟོག་བློ་ཅན།།
ཅི་ཙམ་སྤྱད་ཀྱད་དེ་བཞིན་མི་ཚིམས་པ།།
ལན་ཚྭའི་ཁུ་བ་བཏུང་བའི་ཚུལ་ལ་ལྟོས།།
༥
མུན་པའི་ཁུང་བུ་ཕག་ཏུ་འཁྲས་བཅས་ནས།
བསམ་ངན་དགུ་ཚིགས་རྭ་ཅོ་སྣུན་སྟབས་ཀྱིས།
དལ་འབྱོར་སྙིང་པོའི་རྩ་བ་འབྱིན་བྱེད་པོ།།
ནོག་དང་ལྐོག་ཤལ་མེད་པའི་སྨྱོན་པ་གླང་།།
༦
ཕར་ཕྱོགས་ནོར་རྫས་གྱ་ནོམ་མཐོང་བ་ན།།
སེམས་རྒྱུད་འཁྲུག་ཅིང་ཞེ་ནས་མི་བཟོད་པ།།
སྨོད་དང་སྐུར་འདེབས་ཚིག་གི་སྲབ་མཐུར་དེས།།
དགའ་དད་ཡི་རང་བློ་ཁ་གཞན་དུ་བཅུན།།
༡ མ་རིག་པ། ༢ ང་རྒྱལ། ༣ ཞེ་སྡང་།
༤ འདོད་ཆགས། ༥ གཏི་མུག། ༦ ཕྲག་དོག།
