༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2024 ལོའི་ཟླ 3 ཚེས 27
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > ཀུན་འདུས། > འཕྲུལ་དེབ། 电子书 > བཀའ་དང་བཀའ་བརྟེན།
དེབ་གསུམ་པ། སྙན་ངག་མངོན་བརྗོད་ཀྱི་སྐོར། གངས་ཏི་སེ་བོན་གཞུང་རིག་མཛོད་དཔེ་ཚོགས།
ཕབ་ལེན་གྲངས:
ཕབ་ལེན་བྱེད་ས།

རྩོམ་པ་པོ། དེབ་གསུམ་པ། སྙན་ངག་མངོན་བརྗོད་ཀྱི་སྐོར། གངས་ཏི་སེ་བོན་གཞུང་རིག་མཛོད་དཔེ་ཚོགས།

ཡིག་ཆའི་རིགས་གྲས། pdf

སྐད་ཡིག བོད་ཡིག

སྤེལ་དུས། 2017-07-22

ངོ་སྤྲོད་མདོར་བསྡུས།

དེབ་གསུམ་པ། སྙན་ངག་མངོན་བརྗོད་ཀྱི་སྐོར།

       སྙན་ངག་ལ་མཁས་ན་ཚིག་རྒྱན་ལ་མི་རྨོངས་པ་ལྟར། གསུང་གི་ལྷ་མོ་བཟང་ཟ་རིང་བཙུན་མས་ཞལ་རླངས་དྲོད་མོ་མ་ཡལ་བའི་བཀའ་ལུང་ཟབ་མོ་ཕྱི་ནང་གསང་བའི་མེ་ལོང་རྣམ་པ་གསུམ་དུ་གྲགས་པ་དེ་ལ་རྒྱས་འབྲིང་བསྡུས་གསུམ་དུ་ཕྱེ་བའི་བསྡུ་མ་སྙན་ངག་རྒྱན་གསུམ་གསལ་བའི་མེ་ལོང་ཞེས་བྱ་བ་ནི། དབྱིངས་ཀྱི་ལྷ་མོས་གཙང་གཤེན་སྙན་ངག་མཁན་པོར་དངོས་སུ་ལུང་བསྟན་ཏེ་གཏན་ལ་ཕབ་པ་ཡིན་ལ། དེ་འགྲེལ་ཀུན་གྲོལ་འཇའ་ཚོན་སྙིང་པོས་མཛད་པའི་སྙན་འགྲེལ་དཔྱོད་ལྡན་དགའ་བའི་སྙིང་ནོར་ཞེས་པ་སྙན་ངག་གི་སྲོག་ལུས་རྒྱན་གསུམ་གསལ་བར་བྱས་ཤིང་། དོན་རྒྱན་དང་སྒྲ་རྒྱན་གབ་རྒྱན་གསུམ་གྱི་མཚན་ཉིད་དབྱེ་བ་དང་དཔེར་བརྗོད་སྐྱོན་ཡོན་དང་བཅས་པ་ཡོངས་སུ་རྫོགས་པར་བསྟན་ཡོད། སྙན་ངག་རིན་ཆེན་ལྡེ་མིག་ནི་དཔོན་སློབ་ཚུལ་ཁྲིམས་རྒྱལ་མཚན་གྱིས་མཛད་ཅིང་། དེ་ལ་ལུས་སྲོག་ཐུན་མིན་གྱི་རྒྱན་བསྟན་པ་དང་། ཐུན་མོང་རྒྱན་གྱི་དཔེར་བཀོད་དང་། སྒྲ་རྒྱན་གབ་རྒྱན་སྐྱོན་སེལ་དང་བཅས་པ་བཞུགས་ཡོད། ཚུལ་ཁྲིམས་བསྟན་པའི་རྒྱལ་མཚན་གྱིས་མཛད་པའི་སྙན་ངག་གཙང་གཤེན་དགོངས་རྒྱན་ནི། སྙན་ངག་རྒྱན་གསུམ་གསལ་བའི་མེ་ལོང་རྨང་གཞིར་བཟུང་ཞིང་། བཅད་ལྷུག་སྤེལ་མའི་རྩོམ་ལུས་ཀྱི་ཉམས་རྒྱ་གར་ལྷོ་ཕྱོགས་པས་ཡོན་ཏན་བཅུ་དང་བསྟུན་ཏེ། རྒྱན་གསུམ་དོན་འགྲེལ་དཔེར་བརྗོད་དང་བཅས་པ་ལེགས་པར་གསུངས་པ་ཐུན་མིན་གྱི་ཁྱད་བོན་འབུར་དུ་ཐོན་ཡོད་པ་མ་ཟད། ཁོང་གི་ཞལ་ནས། སྙན་ངག་སྦྱངས་ན་རྣམ་འབྱེད་ཤེས་རབ་ཀྱི་སྣང་བ་རྒྱས་ཏེ། ཀུན་རྨོངས་མུན་པ་སྟུག་པོ་དྲུངས་ནས་འབྱིན་པར་བསྟན་པས་ན། གནས་སྐབས་དང་མཐར་ཐུག་གི་དོན་ཆེན་པོ་འགྲུབ་པའི་དགོས་པ་དང་ལྡན་པའོ། །ཞེས་གསུངས་སོ། །མངོན་བརྗོད་རིན་ཆེན་མཛེས་པའི་ཕྲེང་བ་ཞེས་པ་ནི་གཤེན་མཁས་ཚུལ་ཁྲིམས་རྒྱལ་མཚན་གྱིས་མཛད་ཅིང་། མངོན་བརྗོད་ཤེས་ན་མིང་གི་རིགས་ལ་མི་རྨོངས་ཞེས་པ་ལྟར། དེ་ལ་ས་བླ། ས་གཞི། ས་འོག ཐུན་མོང་གི་སྡེ་ཚན་དང་བཅས་བཞི་རུ་ཕྱེ་ཞིང་། ཟུར་བཀོད་མིང་གཅིག་དོན་མང་ལ་འཇུག་ཚུལ་མང་དུ་བསྟན་ཡོད་དོ། །


ཐོབ་སྐར། :

གཟིགས་ཐེངས:



སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།