༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 8 ཚེས 18
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > ཀུན་འདུས། > འཕྲུལ་དེབ། 电子书 > བཀའ་དང་བཀའ་བརྟེན།
དེབ་གཉིས་པ། བརྡ་དག་སྒྲ་སྦྱོར་གྱི་སྐོར། གངས་ཏི་སེ་བོན་གཞུང་རིག་མཛོད་དཔེ་ཚོགས།
ཕབ་ལེན་གྲངས:
ཕབ་ལེན་བྱེད་ས།

རྩོམ་པ་པོ། དེབ་གཉིས་པ། བརྡ་དག་སྒྲ་སྦྱོར་གྱི་སྐོར། གངས་ཏི་སེ་བོན་གཞུང་རིག་མཛོད་དཔེ་ཚོགས།

ཡིག་ཆའི་རིགས་གྲས། pdf

སྐད་ཡིག བོད་ཡིག

སྤེལ་དུས། 2017-07-22

ངོ་སྤྲོད་མདོར་བསྡུས།

དེབ་གཉིས་པ། བརྡ་དག་སྒྲ་སྦྱོར་གྱི་སྐོར།

        འཕྲུལ་གྱི་ཡི་གེ་ལ་བརྟེན་ནས་སྨྲ་བའི་ངག་གི་ཚིག་དོན་གསལ་བར་སྟོན་པའི་བརྡ་སྤྲོད་ཉི་ཤུ་བདུན་པའི་རྩ་འགྲེལ་གཉིས་ནི་གཤེན་མཁས་ཚུལ་ཁྲིམས་རྒྱལ་མཚན་གྱིས་མཛད་ཅིང་། བོན་གྱི་མཁས་དབང་རྣམས་ཀྱིས་ཚད་མར་འཛིན་པའི་བརྡ་དག་ཅིག་ཡིན་ལ། དེ་ཡང་བཏགས་པ་མིང་གི་ཡི་གེ་དང་། སྣང་བ་གཟུགས་ཀྱི་ཡི་གེ་དང་། ངེས་པ་དོན་གྱི་ཡི་གེ་གསུམ་ལས། ཕྱི་མདོ་མཛོད་འདུལ་གསུམ་དང་། ནང་གསང་རིག་གཟུངས་གསུམ། གསང་བ་ཕྱག་རྫོགས་དབུ་གསུམ་སོགས་སངས་རྒྱས་ཀྱི་ཐུགས་རྗེའི་བསམ་གྱིས་མི་ཁྱབ་པའི་ཚོགས་དང་། ཞང་བོད་པཎ་གྲུབ་རྣམས་ཀྱིས་མཛད་པའི་སྒྲ་བསྡེབས་དུ་མ་ལས་ཉིང་བཅུད་བསྡུས་ཏེ། སྦྱོར་གཞི་ཡི་གེ་ངོས་བཟུང་ཞིང་རྣམ་གྲངས་བསྟན་པ་དང་། སྦྱོར་ཚུལ་ཡི་གེའི་འཇུག་པར་བཤད་པ། རྣམ་དབྱེ་ཕྲད་ཀྱི་སྦྱོར་བ་བསྟན་པ་མ་ཟད། དུས་གསུམ་བསྐུལ་ཚིག་གི་རེའུ་མིག་ཀྱང་རྒྱས་པར་བཀོད་ཡོད། སྦྲ་སར་ཀུན་བཟང་རྒྱལ་མཚན་གྱིས་མཛད་པའི་མིང་གི་བསྟན་བཅོས་རིན་ཆེན་གཏེར་ཁྱིམ་ཞེས་བྱ་བ་ནི། བརྡ་སྤྲོད་ཉི་ཤུ་བདུན་པའི་ལེའུ་གཉིས་པ་སྦྱོར་ཚུལ་ཡི་གེའི་འཇུག་པ་དེ་ལ། རྒྱས་བཤད་དུ་བརྡ་དག་རྒྱ་ཆེར་གསུངས་ཡོད་ལ། ངེས་པའི་ཐོ་ཡིག་བཞི་བཅུའི་བྱུང་ཁུངས་དང་། འབྱུང་བ་ཆེ་ཆུང་གི་ལུགས་དང་། མིང་གི་བསྟན་བཅོས་ཞང་བོད་གཉིས་ཀྱི་སྐད་ལས། ཅུང་ཟད་རྒྱས་པར་བསྟན་པ་དང་། རྣམ་དབྱེ་ཕྲད་ཀྱི་སྦྱོར་ཚུལ་དང་དཔེ་བརྗོད་ཉུང་བུ་ཡང་འཐུས་པར་བྱས་ཡོད། བརྡ་དག་འབེལ་གཏམ་ཉི་འོད་གཞོན་ནུ་ནི་མཁན་ཆེན་ཉི་མ་བསྟན་འཛིན་གྱིས་མཛད་པ་ཡིན་ལ། དེའི་འགྲེལ་བ་རྣམ་བཤད་ཚ་ཟེར་འབུམ་ལྡན་ཞེས་པ་ནི་དཔོན་སློབ་ཚུལ་ཁྲིམས་རྒྱལ་མཚན་གྱིས་མཛད་པ་ཡིན། དེ་ལ་དབྱངས་དང་གསལ་བྱེད་མགོ་འདོགས་སྔོན་རྗེས་ཡང་འཇུག་མིང་རྐྱང་སོགས་གཏན་ལ་ཕབ་ཅིང་། སྤྱི་ལ་རྒྱུག་ཆེ་བ་ཕོ་མོ་མ་ནིང་རྟགས་ཀྱི་དབྱེ་བ་དང་། དེའི་འཇུག་ཚུལ་མ་འདྲེས་པར་ཀུ་ཤའི་རྩེ་ལྟར་ཕྱེས་ནས་བསྟན་པ་དང་། རྣམ་དབྱེ་ཕྲད་ཀྱི་སྦྱོར་བ་དཔེ་བརྗོད་དང་བཅས་པ་བཀོད་ཡོད། སྒྲ་བསྡེབས་སྣང་གསལ་སྒྲོན་མེ་ནི་ཞུ་ཡས་ཉི་མ་གྲགས་པས་མཛད་པ་ཡིན་ལ། དེ་ཡང་མདོ་ལས། སྒྲ་སྒྱུར་ནི་གཡུང་དྲུང་གི་བོན་ལ་མཁས་ཤིང་རིགས་པར་རྟོགས་པའི་རྒྱལ་འཕགས་ལོ་པན་གཤེན་པོ་རྣམས་ཀྱིས། བོན་ཉིད་ལ་འགྱུར་བ་མེད་ཀྱང་། བོན་ཅན་གྱི་མཚན་མ་གར་སྒྱུར་དུ་བཏུབ་ཅིང་། འགྲོ་བ་རང་མཐུན་གྱི་སྐད་དུ་བསྒྱུར་བའོ། །ཞེས་གསུངས་པ་བཞིན། ཞང་ཞུང་སྒོ་ཕུག་བར་གསུམ་གྱི་བརྡ་ལས་ཉེ་བར་མཁོ་བའི་ཞང་བོད་ཀྱི་སྐད་གཉིས་ཤན་སྦྱར་ཏེ་སྤེལ་བ་ལགས་སོ། །


ཐོབ་སྐར། :

གཟིགས་ཐེངས:



སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།