༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2024 ལོའི་ཟླ 3 ཚེས 28
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > རྩོམ་རིག > 2 སྙན་རྩོམ།
2 སྙན་རྩོམ།
ནག་ཉེས་རི་བོའི་ལྐོག་ཕུང་།
[རྩོམ་ཁུངས།:ཁྱུང་པོའི་དྲྭ་བ།] [ཟླ་ཚེས།:2017-04-26] [རྩོམ་པ་པོ།:ཁྱུང་བསོད་བློ།] [གཟིགས་ཐེངས:]

གཤེན་བསྟན་ནོར་བུའི་བློ་སྙིང་དུ་མ།།
སྲིད་པའི་བུ་ལ་རྗེས་བཞག་མ་དབང་།།
ཡབ་མེས་རྒད་པོའི་གཞིས་ཁྱིམ་བརླགས་ཞོར།།
རྩ་མེད་གཏོར་བའི་གནས་ཚུལ་ཨི་ཤེས།།

ཨུ་ཟིད་གདོང་སྐྱ་གླད་གཉིས་བུ་ཡིས།།
རྒྱལ་སྲིད་གདོང་རྒན་འཆི་ཁོམ་མ་བཅུག།
ལག་རྗེས་སྲིད་ཡིག་ཐལ་དུ་བསྲེགས་ནས།།
རྐེ་ལ་ལྕགས་ཐག་བརྒྱབ་པ་ཨི་ཤེས།།

གཤེན་གྱི་གནའ་ཡིག་ཆུ་ལ་བསྐུར་ནས།།
བསྟན་པའི་བང་སོ་ཉར་དུ་མ་བཅུག།
དབེན་གནས་ཁྲ་མོའི་བཞི་མདོ་ཞིག་ཏུ།།
གདོན་བགེགས་མིང་ངན་བོས་པ་ཨི་ཤེས།།

ལྷ་ཁང་གསོན་པོ་བཙོན་ཁང་བསྒྱུར་ནས།།
ལྷ་གཤེན་ཕྱོཊ་ལ་གཞོབ་དྲི་གཏོང་བཞིན།།
ལྡེབ་རིས་ལྷ་མོ་མཇོར་གྱིས་བརྐོས་ནས།།
ཕུགས་ལྷ་བཀར་བའི་གནས་ཚུལ་ཨི་ཤེས།།

རྐང་གཉིས་ལྟོ་ཁོག་འགྲངས་སུ་མ་མྱོང་།།
རམ་རྩམ་ནག་པོའི་སྤགས་སྐྱོ་ཟོས་ལ།།
ཕྱུག་པོ་ཚང་གིས་ཀོ་ལྷམ་ཟ་སྐབས།།
ཡི་དྭགས་འདྲ་བའི་སྡུག་ཡུན་ཨི་ཤེས།།

ཆོས་ལུགས་ཞིག་གི་བླ་སྲོག་ངོ་མ།།
ཚོགས་ཆེན་སྦུག་གི་ཁྲི་འཛིན་ཆེན་མོ།།
ཤན་པ་ནག་པོས་ཞྭ་ནག་བཀབ་ནས།།
གཙག་བུས་སྣ་ལོ་ཕུག་པ་ཨི་ཤེས།།

རབས་འབྱམས་ཆེན་མོ་འཛམ་གླིང་རྒྱན་དྲུག།
ལྷོ་གླིང་མཐིལ་དུ་ཆིབས་ཁ་བསྒྱུར་ནས།།
ཁ་བ་རི་བའི་ཨ་མྱེ་སོགས་ལ།།
རྗེས་བཞག་པོད་ཆེན་དུ་ཡོད་ཨི་ཤེས།།

ཕྱོགས་བཞིའི་མཛོད་ཀྱི་ཕ་ཁྱིམ་ཕུགས་ཀྱི།།
མི་བཞི་མཁས་པའི་གསུང་འབུམ་པོད་བརྒྱ།།
མཇལ་ཕྱག་ཐལ་མོའི་དད་ཡུལ་མ་དབང་།།
གློ་བུར་བཙན་བསྲེཊ་བྱས་པ་ཨི་ཤེས།།

སྲིད་ས་མ་ཟིན་རྒྱལ་ས་ཤོར་ཞོར།།
རང་རིཊ་ཆོས་པ་ནང་འཁྲུག་སྡེབ་ནས།།
གཡུང་དྲུང་བསྟན་པའི་གཙང་དགོན་དུ་མ།།
ཕ་ཝང་ཁ་ཡིས་ཟོས་པ་ཨི་ཤེས།།

ཀུན་གྱི་ཡང་རྩེ་ཀ་ལི་སུམ་བཅུ།།
ཡོན་ཏན་ཀུན་གྱི་རྩ་བའི་རྨང་གཞི།།
རང་རྐྱ་ཐུབ་པའི་རིག་གཞུང་ཆེན་མོ།།
གཤེན་ཆེན་བླ་མའི་བཀའ་དྲིན་ཨི་ཤེས།།

ལོ་རྒྱུས་རིང་བའི་ཏི་སེ་དཀར་པོ།།
རླབས་ཆེན་གཙང་མའི་མ་པང་གཡུ་མཚོ།།
སྦྲ་ནག་ཚང་གི་ཨ་མྱེ་གཅིག་པུའི།།
བླ་རི་བླ་མཚོ་ཡིན་པ་ཨི་ཤེས།།
ཚན་རྩལ་རྒོད་པོའི་རྩལ་ལས་མ་བྱུང་།།
མངོན་ཤེས་མཁན་པོའི་མཐུ་ཡིས་མ་སྒྲུབ།།
ཤེས་རིག་ཟེ་འབྲུའི་དཔག་བསམ་སྡོང་རྒན།།
རང་སའི་ནོར་བུ་ཡིན་པ་ཨི་ཤེས།།

ཐབས་སྡུག་གྱང་ཁའི་རྩ་མི་རྣམ་པ།།
ཨ་གསར་རྣམ་རྟོག་རླུང་ཤུགས་མ་ཆེ།།
རང་ཆས་ཆ་ལུཊ་སྐད་ཡིག་སྐྱོང་བཞིན།།
རང་ཚུགས་བརྟན་པོ་དགོས་ལེ་ཨི་ཤེས།།

མི་རིགས་བརྒྱ་ལ་མི་མཐུན་ཡོད་ཀྱང་།།
རང་ལ་གནང་བའི་དབྱངས་དང་གསལ་བྱེད།།
ས་ཁྱབ་རྡོ་ཁྱབ་གང་སར་སྤེལ་རྒྱུ།།
ཕྲག་གི་ཁུར་པོ་ཡིན་པ་ཨི་ཤེས།།།

གནའ་སྒྲུང་ཞིག་གི་མགོ་ཕུབ་བྱས་ནས།།
བྱིས་སྒྲུང་ཞིག་གི་འཆལ་གཏམ་མ་བསྒྲཊ།།
འཕྲུལ་སྒྲོན་རྣམ་ལྔའི་བཀའ་པོད་ཆེན་མོའི།།
ཕུག་གི་ཆུ་མགོ་གཙང་བ་ཨི་ཤེས།།

ལེཊ་བཤད་ཞིག་ལ་བདེན་དཔང་བཅོལ་ཏེ།།
གདོང་དྲུག་མི་བུའི་ལུས་ཟུངས་ཤ་རྒྱུན།།
རིཊ་གཙང་ལྷ་རྒྱུད་འོད་གསལ་རྒད་པོའི།།
ཟུངས་ཁྲག་རྣལ་མ་ཡིན་པ་ཨི་ཤེས།།

ཐུབ་པའི་བསྟན་པ་མ་དར་གོང་ནས།།
ཐེག་པ་རིམ་དགུའི་ཐོག་བརྩེགས་ཅན་གྱི།།
སྒོ་བཞི་མཛོད་ལྔའི་ཕ་མཁར་ཐོག་ཏུ།།
ནང་བསྟན་རྒྱལ་དར་སུས་བསྒྲེང་ཨི་ཤེས།།

བོན་བསྟན་ཐང་དུ་བརྡབ་གྲངས་མང་ལ།།
གསོན་མིག་གཅིག་གིས་ཕྱི་ལྟས་གྱིས་དང་།།
བན་རྒན་བུ་ཡིས་བོན་གཤེན་གསོད་པའི།།
རྨ་ཁ་སོས་རྒྱུ་མེད་པ་ཨི་ཤེས།།

རིག་གསར་སྟ་རེ་ཀླད་ལ་ཕྱར་དགའ།།
བླ་ཆེན་ཞོན་པའི་འབྱོར་མེད་རྒད་མོ།།
དཀར་ནག་བཀྲ་བའི་ལ་ཆེན་རྒྱབ་ཏུ།།
སྡིག་ཆེན་ཁུར་པོ་ཅི་ཡོད་ཨི་ཤེས།།

སྡུག་བསྔལ་འཁོར་བའི་ནག་ཉེས་མ་ཤེས།།
མྱང་འདས་ལམ་གྱི་ཕན་ཡོན་མ་ཤེས།།
བཙན་པོའི་མདའ་དེ་རྒྱག་ཚོད་མ་བྱས།།
ཕྱི་མའི་ཁུར་པོ་ལྕི་བ་ཨི་ཤེས།།

གནམ་འདེགས་ཀ་བ་སྔོན་པོའི་གླེག་བམ།།
རླུང་ནག་རྒོད་པའི་སྨག་ནག་ནང་དུ།།
མཛོ་ཁལ་བརྒྱ་སྟོང་འགེལ་དུ་བཅུག་ནས།།
ཡར་ཀླུང་གཞུང་དུ་གཤེགས་པ་ཨི་ཤེས།།
   
ནང་པ་ཡིན་མིན་རྩོད་པ་མེད་སྟེ།།
སྐལ་བཟང་སངས་རྒྱས་སྟོང་དང་རྩ་གཉིས།།
སངས་རྒྱས་ནང་པའི་གཞུང་ལམ་བགྲོད་ནས།།
སྐུ་གསུམ་རྒྱལ་ས་ཟིན་པ་ཨི་ཤེས།།

ཁྲག་རྒྱུན་གཅིག་པའི་སྤུན་ཟླ་རྣམ་པ།།
རང་རིཊ་མེས་པོའི་རྒྱུད་འཛིན་ཡིན་ན།།
རྣམ་དཔྱོད་སྦར་མོ་ཤུགས་ཀྱིས་བསྒྲད་ནས།།
སྐད་ཡིག་དར་སྤེལ་དགོས་པ་ཨི་ཤེས།།

༢༠༡༤-༤-༢༩-ཁྱུང་བསོད་བློ་ནས།



སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།