༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 8 ཚེས 18
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > དམངས་སྲོལ། > 3 དམངས་སྲོལ།
3 དམངས་སྲོལ།
ཁྲི་བརྟན་ནོར་བུའི་རྩེ་ནས་ས་ཡོམ་གནོད་སྐྱོན་ཕོག་སའི་རོགས་མགོན་གནང་གནས།
[རྩོམ་ཁུངས།:ཁྱུང་པོའི་དྲྭ་བ།] [ཟླ་ཚེས།:2017-05-16] [རྩོམ་པ་པོ།:ཏི་སེ་བུ་ནས།] [གཟིགས་ཐེངས:]

གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེ་ནས་ས་ཡོམ་གྱིས་གནོད་སྐྱོན་ཕོག་པའི་ཡུལ་མིར་རོགས་མགོན་གནང་གནས།

 

 

     ༄༅། །དེ་ཡང་ཕྱི་ལོ་ ༢༠༡༥ ཟླ་ ༤ ཚེས་ ༢༥ ཉིན་གྱི་སྔ་དྲོ་ཆུ་ཚོད་ ༡༡།༥༦ ཙམ་གྱི་ཐོག་བལ་ཡུལ་དུ་ཤུགས་ཚད་རིམ་པ་ ༧༌༩ ཅན་གྱི་ས་ཡོམ་བརྒྱབ་ནས་མི་གྲངས་བརྒྱད་སྟོང་ལྷག་གི་གཅེས་པའི་ཚེ་སྲོག་ཤོར་བ་དང་།  མི་གྲངས་ཁྲི་ཕྲག་མང་པོར་རྨས་སྐྱོན་ཚབས་ཆེན་ཕོག་སྟེ་སྨན་བཅོས་བྱེད་བཞིན་པ་དང་། ལོ་རྒྱུས་ཀྱི་རིན་ཐང་ལྡན་པའི་ལྷ་ཁང་། མཆོད་རྟེན། འགྲེམ་སྟོན་ཁང་སོགས་རིག་དངོས་སྲུང་སྐྱོབ་སྡེ་ཚན་མང་པོ་རྩ་བརླག་ཏུ་བཏང་བ། མི་མང་གི་སྡོད་ཁང་འབུམ་གཉིས་དང་ཁྲི་དགུ་ལྷག་རྩ་མེད་དུ་ཕྱིན་ནས་མི་མང་རྣམས་སྡོད་གནས་མེད་པ་གྱུར་བ། སྡོད་ཁང་འབུམ་གཉིས་དང་ཁྲི་བདུན་ཡས་མས་ལ་སྐྱོན་ཆག་ཚབས་ཆེན་བྱུང་སྟེ། ཡ་ང་བའི་འབྱུང་བའི་གོད་ཆག་གི་འཇིགས་སྐྲག་འོག་མི་མང་པོ་སེམས་སྐྱོན་གྱིས་སྨྱོ་བ་དང་། བླ་འཁྱར་ཏེ་གཉིད་མི་ཁུག་པའི་སྡུག་བསྔལ་སོགས་ཀྱི་དཀའ་སྡུག་བརྗོད་ལས་འདས་པ་བྱུང་ཡོད་པ་ཀུན་གྱིས་མཁྱེན་གསལ་ལྟར།

 


  སྐབས་དེར་བལ་ཡུལ་རྒྱལ་སའི་མཆོད་རྟེན་འཕགས་པ་ཤིང་ཀུན་གྱི་ཉེ་འགྲམ་རི་བོ་གླང་རི་ལུང་བསྟན་གྱི་འདབས་ཞོལ་དུ་ཆགས་པའི་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེའི་དགོན་གྱི་དགེ་འདུན་པ་རྣམས་ལ་སྲོག་སྐྱོན་དང་རྨས་སྐྱོན་མ་བྱུང་ཡང་། གཙུག་ལག་ཁང་དང་གྲྭ་ཤག་སོགས་ལ་གས་སྐྱོན་གང་འཚམས་བྱུང་ནས་བླ་སློབ་ཡོད་དོ་ཅོག་ཕྱི་ལོགས་ལ་གནས་སྤོས་ཏེ་ད་ལྟའི་བར་སྡོད་གུར་འོག་ཉེན་ཡོལ་དུ་གནས་བཞིན་མཆིས།

 

    དགོན་གྱི་ཁྲི་འཛིན་༸སྐྱབས་རྗེ་མཁན་ཆེན་ལུང་རྟོགས་བསྟན་པ་གཡུང་དྲུང་རིན་པོ་ཆེ་མཆོག་གི་དབུ་ཁྲིད་ལམ་སྟོན་ལ་བརྟེན་ནས་དཔལ་ལྡན་ཁྲི་བརྟན་ནོར་བུའི་རྩེའི་དགོན་གྱི་བླ་གྲྭ་རྣམ་པས་གདུང་སེམས་མཉམ་སྐྱེད་ཐོག་ས་ཡོམ་གྱི་གོད་ཆག་འོག་འདས་གྲོངས་སོང་བ་རྣམས་ཀྱི་ཆེད་དུ་གསུར་དང་བསྔོ་སྨོན། གསོན་དོན་དུ་སྐུ་རིམ་ཞབས་བརྟན་སྒྲུབ་བཞིན་ཡོད་པ་མ་ཟད། ས་ཡོམ་བྱུང་མ་ཐག་ནས་དགོན་འདིའི་དགེ་འདུན་པ་རྣམས་ཀྱིས་ཉེ་འགྲམ་ཡུལ་སྡེའི་ཁང་པ་ཞིག་ཧྲུལ་འོག་ཏུ་ལུས་པའི་རྨས་མ་རྣམས་མྱུར་སྐྱོབ་དང་། འདས་གྲོངས་ཕྱིན་པ་རྣམས་ཀྱི་ཕུང་པོ་སྔོག་འདོན་སོགས་ཀྱི་ཆེད་ཉིན་མཚན་ལྟོས་མེད་ཀྱིས་བལ་པོ་དང་། རྒྱལ་ཁབ་གཞན་གྱི་རོགས་སྐྱོར་མི་སྣའི་ལྷན་དུ་ལས་ཀར་མཉམ་ཞུགས་ཞུས་ཏེ་མིག་དཔེ་འོས་པའི་གྲུབ་འབྲས་ཐོན་པ་ཡང་བྱུང་ཡོད།

 

   ཁྲི་བརྟན་ནོར་བུ་རྩེའི་གསོ་རིག་སྡེ་ཚན་སྔར་སྲོལ་གསོ་རིག་འབུམ་བཞིའི་སློབ་གྲྭ་ནས་ས་ཡོམ་གྱིས་གནོད་སྐྱོན་ཐེབས་པའི་ནད་པ་རྣམས་ལ་ད་ལྟའི་བར་རིན་མེད་ནད་གཞི་བརྟག་དཔྱད་དང་། སྨན་སྦྱིན་བསྩལ་བ། མི་གྲངས་སྟོང་ཕྲག་ལྔ་ལྷག་ལ་ནད་ཡམས་འགོག་སྲུང་གི་སྦྱིན་གཏོང་བྱས་དང་བྱེད་བཞིན་པ་དང་། བལ་ཡུལ་བོན་པོ་ཚོགས་པ་དང་ཁྲི་བརྟན་ནོར་རྩེའི་དགེ་རྩ་ཚོགས་པ་གཉིས་ཀྱི་གོ་སྒྲིག་འོག་ཕྱི་ལུགས་སྨན་པ་གྲགས་ཅན་གདན་ཞུ་བྱས་ནས་ཉིན་གསུམ་རིང་ཁྲི་བརྟན་ནོར་རྩེའི་ཕྱི་ལུགས་སྒོ་བསྟེན་སྨན་ཁང་དུ་ནད་གཞི་བརྟག་དཔྱད་དང་སྨན་སྦྱིན་བསྩལ་གནང་མཛད་ཡོད།

 

    དེ་བཞིན་ས་ཡོམ་གྱིས་གནོད་སྐྱོན་ཚབས་ཆེན་ཐེབས་སྟེ་འཚོ་ཐབས་ཞན་ཞིང་རོགས་སྐྱོར་ཉུང་བའི་ལུང་ཀྱོག་Sindhupalchock སི་དྷུ་པར་ཅོག་རྫོང་ཁོངས་ཀྱི་ Helambuvdc ཡོལ་མོ་གྲོང་ཚོ་དང་པོའི་དུད་ཁྱིམ་བརྒྱ་དང་ཉི་ཤུ་རྩ་ལྔ་དང་། ཀི་ཝལ་ Kwal གྲོང་ཚོ་དགུ་པའི་དུད་ཁྱིམ་བརྒྱ་དང་གཉིས་ལ་འབྲས་དང་། ཚྭ། ཟ་སྣུམ་བཅས་ཀྱི་རོགས་སྐྱོར་གནང་བ་དང་།   Kathmandu རྫོང་ཁོངས་ཀྱི་ Nangle Bhare གྲོང་ཚོ་སྤྱི་ལ་སྡོད་གུར་ལྔ་བཅུ་ལྷག་དང་། འབྲས་དང་། སྐམ་ཟས་རླངས་འཁོར་གང་བཅས་རོགས་རམ་བྱས་ཡོད།  དགོན་གྱི་ཉེ་སྐོར་གྱི་གྲོང་མི་ཁག་ལ་སྡོད་གནས་གཡར་ཞིང་། སྡོད་གུར་སོགས་ཀྱི་མཐུན་སྦྱོར་གང་ནུས་ཞུས་ཡོད་པ་མ་ཟད། བླ་གྲྭ་སྒེར་ངོས་ནས་ཀྱང་ཡུལ་མི་ལ་ཟས་གོས་ཀྱི་རོགས་སྐྱོར་རྒྱ་གང་ཆེ་གནང་མཁན་ཡང་མི་ཉུང་བ་བྱུང་ཡོད། མ་འོངས་པའི་ཆར་གཡུང་དྲུང་བོན་གྱི་གདན་ས་ཆེན་མོ་དཔལ་ལྡན་ཁྲི་བརྟན་ནོར་བུའི་རྩེའི་དགོན་གྱིས་རང་བྱུང་གི་འབྱུང་བའི་གནོད་སྐྱོན་ཐེབས་པའི་ཉམ་ཐག་དེ་རིགས་ལ་རོགས་སྐྱོར་གང་ནུས་མུ་མཐུད་བྱེད་འཆར་ཡོད་པ་བཅས་ཀྱི་གནས་བསྡུས་སུ། 

ཏི་སེའི་བུ་ནས་ ༢༠༡༥།༥།༡༢ ཉིན་སྤེལ།




སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།