ཉི་ཟླའི་འོད་ཟེར་སྦྱིན་པས་རྒྱ་མ་ཆད།།
སྐར་ཚོགས་བྱེ་བའི་དཔལ་ཡོན་ཐང་དུ་བཞད།།
བུ་སློབ་ཁྱུ་ཚོཊ་སྟོང་གིས་ལྡིང་གར་བསྒྱུར།།
ང་ཡི་མ་ཡུམ་སློབ་གླིང་ཨེ་མ་ཧོ།།
རྒྱལ་འཕཊ་བསྟན་པའི་ཉི་ཟླ་ཐབས་ཤེས་ཟབ།།
རྒྱང་མིག་ས་མཐར་ཕིགས་པའི་ཆུ་ཤེལ་གསལ།།
རྒྱང་རིང་མགྲོན་དུ་མ་བོས་ལྷུན་གྱིས་འཛོམས།།
མ་ཡུམ་སློབ་བུ་གྲངས་མེད་འདུ་ཁ་བཙན།།
འཆད་རྩོད་ཐལ་སྒྲ་སྒྲོག་པའི་སྐལ་བཟང་མཐོ།།
བདེ་ཆེན་ཐར་པ་བགྲོད་པའི་ཐེམ་སྐས་མཛེས།།
ཟུང་འཇུག་ལྷ་ཞལ་མཇལ་བའི་རྟོཊ་པ་རྒྱས།།
ང་ཡི་མ་ཡུམ་སློབ་གླིང་མངོན་པར་བསྟོད།།
བརྗིད་ཆཊ་བྲག་དམར་དབུ་རྩེ་དགུང་ལ་ཟུག།
ལྷུན་ཆཊ་ཕུན་ཚོཊ་རྣམ་རྒྱལ་ཁང་བཟང་མཐོ།།
མཐའ་ཆཊ་རང་བྱུང་རིན་ཆེན་ཁོར་ཡུག་གཙང་།
ང་ཡི་མ་ཡུམ་སློབ་གླིང་སྐལ་བཟང་འཚོགས།།
ཕྱི་ཡི་འཚོ་གོས་མལ་ཤག་རྒྱུན་དུ་སྒྲིག།
ནང་གི་བསླབ་གསུམ་བསྟན་པ་རྒྱུན་དུ་གཅེས།།
གསང་བ་གབ་མཛོད་མན་ངག་རྒྱུན་དུ་གནང་།།
ང་ཡི་མ་ཡུམ་སློབ་གླིང་མཐུན་རྐྱེན་འཛོམས།།
སེང་སྟབས་དགུང་དུ་འགྱིང་པའི་སྔ་རྒོལ་དང་།།
ཐལ་གསུམ་དམ་དུ་བཅའ་བའི་ཕྱི་རྒོལ་གཉིས།།
དཔྱད་གསུམ་ཚད་མ་སྦྲེལ་བའི་རིག་སྒྲ་ཟབ།།
ང་ཡི་མ་ཡུམ་སློབ་གླིང་འདི་རུ་འཚོགས།།
དགག་བྱ་རྒྱང་དུ་བཀར་བའི་ཚད་མ་དང་།།
སྒྲུབ་བྱ་དོན་དུ་གཉེར་བའི་ངེས་ཤེས་གཉིས།།
སྤང་བླང་དོན་གྱི་མདུད་པ་གཅིག་བཀྲོལ་ཏེ།།
ང་ཡི་མ་ཡུམ་སློབ་གྲོགས་དགག་སྒྲུབ་རྣོ།།
བཀའ་ལུང་དོན་གྱི་ནོར་རྒོད་དཔེ་རྙིང་བསྐྲུན།།
ཕྱོགས་བཞི་རིན་ཆེན་སྒོ་བཞི་མཛོད་ལྔ་མཛེས།།
རྒྱལ་གཤེན་ཁྱིམ་ཚང་ཆེན་མོའི་ཐབ་ལྷ་གསོས།།
འགྱུར་མེད་བསྟན་པའི་རྒྱལ་མཚན་འདི་ན་མཐོ།
བྱ་ལམ་འགོག་པའི་རྒྱ་ཕིག་སེར་ཕྱུག་ཅན།།
དགུན་སྔོན་བཏེཊ་པའི་ཨར་འདམ་ཁྲི་བརྩེཊ་ཅན།།
ལུང་ཆེན་ཡོལ་བའི་ཀ་བརྒྱའི་ཁང་མེད་ཀྱང་།།
དགོས་པའི་བཤད་སྒྲུབ་བརྒྱ་ཕྲག་དུ་མས་ཕྱུག
༢༠༡༤-༦-༢༣-ཁྱུང་བསོད་བློ་ནས་བྲིས།
