རྣམ་དག་ཐུགས་བསྐྱེད་སྤྲིན་དཀར་ཕུང་པོ་ལས། །
ཕུན་ཚོགས་དགེ་ལེགས་བྱེ་བའི་གྲུ་ཆར་འཇོ། །
རྨད་བྱུང་རྒྱལ་བསྟན་འོད་སྣང་ཕྱོགས་བཅུར་འཕྲོས། །
འདྲེན་མཆོག༧ཤེས་རབ་དགེ་ལེགས་ཕྱག་གི་ཡུལ། །
ཁྱུང་ཡུལ་སུམ་གླང་གྱིམ་ཤོད་ཀྱི་ཉེ་འདབས་མི་རྗེ་ཁྱུང་དཀར་རྒྱལ་པོའི་མངའ་ཁོངས་སུ་སྐུ་འཁྲུངས་པའི་མཁས་གྲུབ་གཉིས་ལྡན་གྱི་དཔོན་གསས་ཁྱུང་པོ་སྟེང་ཆེན་དགོན་གྱི་བླ་རབས་ཉེར་དྲུག་པ༧ཤེས་རབ་དགེ་ལེགས་རིན་པོ་ཆེའི་མཆོག་སྐུ་མི་རྟག་མྱ་ངན་ལས་འདས་ཏེ་མི་ལོ་ཧྲིལ་པོ༢༤འཁོར་བའི་རྗེས་དྲན་དུ་འདི་གའི་བཤད་སྒྲུབ་སྒོམ་གསུམ་གྱིས་ལྷག་པའི་ལྷ་མཆོག་མ་རྒྱུད་གསང་མཆོག་མཐར་ཐུག་གི་ཚོགས་མཆོད་རྒྱས་འབུལ་བྱས་པའི་གསར་འཕྲིན་དུ།
ལྷད་མེད་དགེ་བ་འདི་ཡིས་རྐྱེན་བྱས་ཏེ། །
འཁོར་བའི་སྨག་ལ་འཕྱན་པའི་འགྲོ་བ་ཀུན། །
བླ་མ་ཁྱེད་ཀྱི་ཐུགས་རྗེའི་དྲྭ་གུར་དུ། །
སྐྱེ་བ་ཡང་ནས་ཡང་དུ་ཚུད་པར་ཤོག །