༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 10 ཚེས 23
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > མཚམས་སྦྱོར། > 6 བསྟོད་ཚིག
6 བསྟོད་ཚིག
ཚ་རོང་གུར་མདུན་དགོན་ནས་ཁྲི་འཛིན་རིན་པོ་ཆེའི་གདུང་མཆོད་ཞུས་པ།
[རྩོམ་ཁུངས།:ཁྱུང་པོའི་དྲ་བ།] [ཟླ་ཚེས།:2017-09-22] [རྩོམ་པ་པོ།:88] [གཟིགས་ཐེངས:]

QQ图片20170922213742.jpg

    ངེད་ཞྭ་དཀར་གཡུང་དྲུང་བོན་གྱི་བསྟན་པའི་གཙུག་རྒྱན། ས་སྟེང་བོན་འབངས་ཡོངས་ཀྱི་དབུ་ཁྲིད། ༧དཔལ་རྒྱལ་བ་སྨན་རི་བ་མཆོག་སྐུ་འཚོ་བཞུགས་སྐབས། སྐུ་ཚེ་ཧྲིལ་པོ་བསྟན་དང་འགྲོ་བའི་དོན་དུ་སྐུ་ངལ་འཛེམ་མེད་ཀྱི་སྒོ་ནས་མཛད་འཕྲིན་ཐུགས་རྗེས་སྐྱོང་བཞིན་པའི་ངང་། གདུལ་བྱའི་བསོད་ནམས་ནུས་པ་ཉག་ཕྲ་བའི་རྐྱེན་གྱིས་སྐུ་ལ་སྙུང་གཞི་བཞེས་ཏེ་ཡུན་རིང་སྨན་ཁང་གྲགས་ཅན་གང་སར་སྨན་བཅོས་ཡུན་རིང་ཞུས་ཀྱང་། སྟབས་མ་ལེགས་པ་ཞིག་ལ་ཕྱི་ལོ་༢༠༡༧ཟླ་༠༩ཚེས་༡༤དང་ཧོར་ཟླ་༧པའི་ཚེས་༢༤ གཟའ་ཕུར་བུ་ཉིན་གྱི་ཕྱི་དྲོའི་རྒྱ་གར་ཆུ་ཚོད་དྲུག་དང་སྐར་མ་༢༥སྟེང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་བླ་བྲང་དུ་ཐུགས་དམ་གཡོ་བ་མེད་པའི་ངང་ནས་དགོངས་པ་བོན་དབྱིངས་སུ་ཐིམ་སོང་བའི་ཡིད་སྐྱོ་བའི་གནས་ཚུལ་བྱུང་།།

QQ图片20170922213738.jpg

QQ图片20170922213746.jpg

QQ图片20170922213749.jpg

   དེ་འཕྲལ་ངེད་ཚ་རོང་མཛོ་སྒང་གསལ་ཡུལ་གུར་མདུན་དགོན་པའི་དགེ་སློབ་ལྷན་རྒྱས་ནས་ཉིན་གསུམ་རིང་ལ། རང་ཅག་བོན་གྱི་ལྷ་སྐལ་སྐྱབས་རྗེ་རྩ་བའི་བླ་མ་༧སྨན་རིའི་ཁྲི་འཛིན་སོ་གསུམ་པ་༧ལུང་རྟོགས་བསྟན་པའི་ཉི་མ་མཆོག་གི་ཞལ་སྐྱིན་སྐུ་པར་རིན་པོ་ཆེའི་གཞི་ཐོག་ཏུ་བཤམས་ནས། དེའི་མདུན་དུ་མཚན་མ་རྫས་ཀྱི་མཆོད་པ་རྣམ་ལྔ་དང་རྣམ་བརྒྱད། རྟགས་བརྒྱད། ནོར་བདུན། ཤིང་ཐོག སྤྱན་གཟིགས། ཇ་ཆང་། མངར་ཆུ་ལ་སོགས་བཤམས་ལ། 《 བོན་སྐུ་སྨོན་ལམ་ལས།། ཉི་ཟླ་གཟའ་ཡིས་ཟིན་དང་སྒྲ་དང་ས་གཡོས་བོན་འཁོར་བསྐོར།། རྫོགས་ཆེན་རྣལ་འབྱོར་འདིར་སྣང་སྐུ་ཡི་བཀོད་པ་བསྡུས་པའི་ཚེ།། ཀུན་གྱིས་ངག་ཏུ་བརྗོད་པས་ཐོས་ཀུན་གྲོལ་བ་ང་ཡིས་བཤད།། གསུང་པ་བཞིན།། 》བླ་མ་མཆོད་པ་དང་། ཚེ་དབང་སྨོན་ལམ།  མཉམ་མེད་བླ་སྒྲུབ་སྟོང་ཚོགས་དང་། མར་མེ་ཁྲི་མཆོད། བདེ་སྨོན་རྣམ་གསུམ་སོགས་འཚོགས་གནང་མཛད་པ་དང་།

QQ图片20170922213713.jpg

QQ图片20170922213728.jpg

QQ图片20170922213732.jpg

QQ图片20170922213724.jpg

     ལྷ་སྡེ་སེར་སྐྱ་རྣམས་དེ་བཞིན་ཞག་གསུམ་རིང་མཉམ་འཛོམས་ཐོག་རྗེ་བླ་མ་མཆོག་ལ། ཡིད་ཀྱི་གསོལ་བ་ཕུ་ཚུགས་སུ་བཏབས་པ་དང་། ངག་གིས་གསོལ་འདེབས་དང་། སྨོན་ལམ། ཡིག་བརྒྱ། སྙིང་པོ་རྣམ་གསུམ་། མ་ཏྲི། ཚེ་དབང་སྨོན་ལམ་སོགས་རང་ཉིད་ཀྱི་གང་ཤེས་འདོན་པ་དང་། མཐར་སེར་སྐྱ་ཕོ་མོ་ཡོངས་ནས་སྐུ་པར་མཐོང་གྲོལ་རིན་པོ་ཆེ་མདུན་དུ་དགུང་ཞག་ཚེ་ལ་ཕྱག་སྐོར་སྒྲིབ་སྦྱོང་གཙོས་པའི་དགེ་སྒྲུབ་སྡིག་སྤོང་སོགས་ཁས་ལེན་གང་མང་བཟོས་ནས་མཇུག་གྲུབ་པའོ།།

ཚ་རོང་གུར་མདུན་དགོན་འགན་འཛིན་ལྷན་ཚོགས་ནས།




སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།