༄༅། །ངེད་དྲ་བར་ཕེབས་པར་དགའ་བསུ་ཞུ།
དེ་རིང་ནི་སྤྱི་ལོ 2019 ལོའི་ཟླ 11 ཚེས 19
དྲ་གནས་ཉར་ཚགས།   གཙོ་ངོས་སུ་འགོད་པ།
中文   |   English   |   བོད་ཡིག
ཕྱོགས་སྟོན།:  གཙོ་ངོས། > མཚམས་སྦྱོར། > 6 བསྟོད་ཚིག
6 བསྟོད་ཚིག
སྟག་ཞིག་དགོན་གྱི་ལས་འཛིན་ཐུན་མོང་གིས་གདུང་འདབས་མཆོད་པ་མཚོན་བྱེད།
[རྩོམ་ཁུངས།:ཁྱུང་པའི་དྲ་བ།] [ཟླ་ཚེས།:2017-09-18] [རྩོམ་པ་པོ།:སྟག་ཞིག་དགོན་གྱི་ལས་འཛིན་ཐུན་མོང་གིས་།] [གཟིགས་ཐེངས:]

0 (2).jpg

1.jpg

0.jpg

     འཇིག་རྟེན་གྱི་ཐོག་ཏུ་ཆོས་དང་འཇིག་རྟེན་ཚོགས་པ་དང་མི་སྒེར་གང་ཞིག་ཡིན་རུང་སྐྱབས་ཀྱི་རེ་ལྟོས་བཅོལ་ཡུལ་ཞིག་མེད་པ་གཏན་ནས་མི་སྲིད། གངས་ཅན་བོད་ཀྱི་ཆོས་རིག་གི་ཡང་མེས་གཡུང་དྲུང་བོན་གྱི་ཆོས་བརྒྱུད་འཛིན་པ་དག་ལ་མཚོན་ན་མགོ་ཡ་ཐོད་ནང་གི་མིག་དང་ཁོག་དོན་ལྔ་ནང་གི་སྙིང་ལྟར་གཅེས་པའི་སྐྱབས་རྗེ་རྒྱལ་བ་༧སྨན་རིའི་མཁན་རབས་སོ་གསུམ་པ་མཆོག་མི་རྟག་ཞི་དབྱིངས་སུ་གཤེགས་པ་ནི་སྤྱིར་ཁ་བ་གངས་ཅན་པའི་སྐྱེ་འགྲོ་ཡོངས་དང་ལྷག་པར་དུ་རྒྱལ་བ་གཤེན་གྱི་བསྟན་སྒོར་ཞུགས་པའི་སྐྱ་སེར་ཐུན་མོང་ཕ་མེད་ཀྱི་དྭ་ཕྲུག་ཁེར་འགྲོ་ནང་བཞིན་གྱུར་པ་དང་སོ་སོར་མ་དམིགས། རྒྱུ་མཚན་དེས་ན་ཁམས་ཡན་ལག་ཚོགས་པའི་ཚོགས་གཙོ་དཔལ་ཤར་རྫའི་རྒྱལ་ཚབ་མཁན་པོ་རིག་འཛིན་དབང་རྒྱལ་མཆོག་གིས་ཀྱང་རྒྱལ་ཕྱི་ནང་ཀུན་ན་གནས་པའི་སྤྱི་བོ་གནམ་བསྟན་གྱི་བོན་འབངས་ཡོད་དོ་ཅོག་གིས་ཡིད་སྐྱོ་བའི་ངང་ནས་དགོངས་རྫོགས་དགེ་རྩ་སྒྲུབ་པའི་དུས་ཀྱི་ཆར་ང་ཚོ་ཁམས་ཕྱོགས་ཀྱི་བོན་དགོན་ཚང་མས་ཀྱང་དམ་པ་མཆོག་གི་བཀའ་དྲིན་རྗེས་དྲན་དང་། ཚོགས་བསགས་མཆོད་འབུལ། མྱ་ངན་གུས་འདུད།  སྐྱ་འདུ་སེར་འཚོགས། སྡིག་སྤང་དགེ་སྒྲུབ་དགོས་པའི་བཀའ་མངག་གནང་བ་ལྟར།

2.jpg

3.jpg

4.jpg

5.jpg

     འདིར་སྟག་ཞིག་དགོན་གྱི་བླ་སྤྲུལ་དགེ་འདུན་ཚང་འཛོམས་ཐོག་འདི་ལྟའི་ཡིད་སྐྱོའི་གནས་ཚུལ་ཐོས་མ་ཐག་ནས་སྒྲུབ་ཁང་ནང་དུ་དམ་པ་མཆོག་གི་སྐུ་པར་མདུན་དུ་རྣམ་ལྔའི་མཆོད་པ་བཤམས་ནས་བསྟོད་པ་རྣམ་རྒྱལ་ཁང་བཟང་དང་། ལྷ་བོན་ཡན་ལག་བརྒྱད་པ། བོན་སྐུའི་སྨོན་ལམ་སོགས་སྒྲིག་འདོན་བྱས་ཤིང་གསོལ་འདེབས་སྨོན་ལམ་བགྱིས་པ་དང་། ཁ་སེང་ཞག་གསུམ་ཉིན་མཉམ་མེད་བླ་སྒྲུབ་ཀྱི་ཚོགས་འཁོར་རྒྱས་འབུལ་ཞུས་ཤིང་མཇུག་ཏུ་བླ་སྤྲུལ་དགེ་འདུན་ཡོངས་ནས་མི་རེ་རེ་བཞིན་དགུང་ཞག་ཞེ་དགུའི་རིང་སོ་སོས་འགྲུབ་ངེས་ཀྱི་དགེ་རྩ་སྣ་རེ་སྐུ་པར་མདུན་ནས་ཁས་ལེན་ཞུས་པ་དང་།  དགུང་ཞག་ཞེ་དགུ་མཇུག་སྒྲིལ་ཉིན་ལའང་ཆོ་ག་དང་ཚོགས་འཁོར་རྒྱས་འབུལ་དགོན་གྱི་ཁོར་ཡུག་ཏུ་སྣང་གསལ་སྒྲོན་མེའི་མཆོད་པ་དབུལ་རྒྱུའི་འཆར་འགོད་བྱས་ཤིང་རང་ཅག་ལྟོས་བཅས་རྗེས་འཇུག་ཡོངས་རྫོགས་ཐུགས་ཡིད་དབྱེར་མེད་འདྲེས་ཤིང་མཐར་ཐུག་ཚོམ་བུ་ཡུག་གཅིག་ཏུ་ངེས་དོན་ཀུན་ཏུ་བཟང་པོའི་རྒྱལ་སར་བསྙེགས་པའི་སྨོན་ལམ་ཡང་ཡང་བཏབ་སྟེ་དམ་པ་ཉིད་ལས་མི་གཞན་པའི་ཞལ་ཚབ་གསེར་ཁྲིར་བདེར་འཁོད་ཡོང་བའི་གསོལ་བ་བཏབ་པ་ཀུན་གེགས་མེད་ཡིད་བཞིན་དུ་འགྲུབ་པར་གྱུར་ཅིག །

6.jpg

    7.jpg

8.jpg

9.jpg

     དཔལ་ལྡན་བླ་མའི་རྣམ་པར་ཐར་པ་ལ། །སྐད་ཅིག་ཙམ་ཡང་ལོག་ལྟ་མི་སྐྱེ་ཞིང་། །ཅི་མཛད་ལེགས་པར་མཐོང་བའི་མོས་གུས་ཀྱིས། །བླ་མའི་བྱིན་རླབས་སེམས་ལ་འཇུག་པར་ཤོག །

སྟག་ཞིག་དགོན་གྱི་ལས་འཛིན་ཐུན་མོང་གིས་སྤྱི་ལོ་༢༠༡༧   ༩   ༡༨ ཉིན་ཕུལ།




སྐད་འཇོག་རེའུ་མིག

འདྲེན་སྐོལ། དཔྱད་གཏམ(0)ཡོད།